Acta Apostolicae Sedis - Commentarium Officiale544

Attenta valetudinis gravitate, uxor infirmi, domina Carola Demi, anxie-

tate affecta ob condiciones mariti, in manibus tenens parvam imaginem

Venerabilis Servae Dei Alfonsae, per eiusdem intercessionem noctu diei 22

Februarii eam invocavit et petivit donum sanationis viri Nedi. Sequenti

mane medici, qui, post protractos redanimationis conatus, valde sollicitos

se praebebant de exitu sub aspectu neurologico, patientem invenerunt

lucidum, capacem loquendi, immo, iocandi, ita ut neurologica vel psychica

damna minime exhiberet: dominus Nedus Frosini in condicione et in

adiunctis extraordinariis bonam obtinuit valetudinem.

Eiusmodi sanatio, quae mira est habita, apud Archidioecesim Mediola-

nensem, a die 16 mensis Februarii ad diem 24 mensis Iunii anno 2004,

Inquisitioni dioecesanae subiecta est. Cuius iuridica validitas ab hac Congre-

gatione de Causis Sanctorum per Decretum die 5 mensis Novembris anno

2004 est approbata. Diversa acta in Inquisitione collecta aestimationi et

examini Coetus Medicorum Dicasterii die 27 mensis Novembris anno 2008

sunt tradita, qui gravitatem prognosis sanati declaraverunt, in luce ponentes

modum quo expergefactus est dominus Nedus Frosini a statu inconscientiae,

immo sine residuis neurologicis, secundum medicam huius aetatis artem inex-

plicabilem habendum esse. Rei iam finem imponentes, edixerunt restitutio-

nem functionum neurologicarum viri sanati celerem, perfectam, constantem

et ex scientiae legibus inexplicabilem fuisse. Die 22 mensis Aprilis anno 2009

Congressus habitus est Peculiaris Consultorum Theologorum, cuius positivus

exitus die 13 mensis Aprilis anno 2010 confirmatus est a Patribus Cardinali-

bus et Episcopis in Sessione Ordinaria, Causae Ponente Excellentissimo

Domino Francisco Croci, Episcopo titulo Potentino in Piceno.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per

intercessionem Venerabilis Servae Dei Alfonsae Clerici, Sororis Professae

Congregationis Sororum a Pretiosissimo Sanguine Modoëtiae, videlicet de

celeri, perfecta ac constanti sanatione domini Nedi Frosini ab ''arresto

cardiocircolatorio protratto con ipossia ed anossia cerebrale''.