Congregatio de Causis Sanctorum 547

vitae domini Thomae Ricci ex scientiae legibus inexplicabilem fuisse; ille

enim, quamvis pondere circa milia chiliogrammatum oppressus est, nullam

subiit membrorum laesionem. Die 12 mensis Decembris anno 2009 Congres-

sus habitus est Peculiaris Consultorum Theologorum, cuius positivus exitus

die 4 mensis Maii anno 2010 confirmatus est a Patribus Cardinalibus

et Episcopis in Sessione Ordinaria, praehabita relatione Causae Ponentis

Excellentissimi Domini Ioannis Pauli Benotto, Archiepiscopi Pisani.

Facta demum de hisce omnibus rebus Summo Pontifici Benedicto XVI

per Excellentissimum Dominum Angelum Amato, Praefectum Congrega-

tionis de Causis Sanctorum, accurata relatione, Sanctitas Sua haec vota

excipiens rataque habens, declaravit: Constare de miraculo a Deo patrato

per intercessionem Venerabilis Servae Dei Caeciliae Eusepi, e Tertio Ordine

Servorum Mariae, videlicet de vitato periculo vitae Domini Thomae Ricci ''da

sormontamento del corpo (tronco) da ruota di autocarro''.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 1 mensis Iulii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis