Congregatio de Causis Sanctorum 549

curandis cum statim, renovato studio, se dederet, hic prudens, severus,

indulgens, hic patria potissimum caritate benignus, exstitit pastor.

Interea in eius civitate, populorum fere omnium conflictu atque calami-

tate, haud secus ac multis aliis nationibus acciderat, defuncta, communista-

rum dominatio incipiebat, quae mox gravi Ecclesiam insectatione petere

coepit. Civitatis enim rectores domesticam, quae publico imperio pareret,

eamque ab Romana omnino dissentientem Ecclesiam instituere contende-

runt; quod quidem consilium ut ad effectum perduceretur, Pactum, una

tantum ex parte, sublatum est, cunctisque Ordinibus religiosis dimissis, quae

iisdem fuerant bona in publicum addicta sunt.

Cum igitur in eiusmodi odiis versaretur, tamen Ioannes episcopus omni

tempore resistentem se praebuit. Nam in tali discrimine numquam ipse

postulationi regiminis concessit, quin e contrario suum pastoris munus

maxima cum fide exercere non desierit, neglectis consiliis compluribus,

persequendi vel coarctandi causa a magistratibus iniunctis; nec umquam

nisi cum suo ministerio cohaerentibus negotiis implicatus est.

Sane ob eiusmodi studium ac pertinaciam factum est anno 1950 ut

Servus Dei custodia domestica multaretur, qui deinceps in carcerem Buca-

restiensem, postremo vero in timenda vincula, sub terra posita, apud locum,

quem vulgo Jilava appellant, deductus et inclusus est. Ibi Ioannes gravius

interrogari, crebrius vexari, in inhumanos denique cruciatus dari. Attamen,

rebus tam infensis, miram ipse patientiam ostendit cruciatus et maerores

omnes, ex atrocibus persecutionibus ortos, accipiendi, omni tempore

tranquillus et subridens, assidua precatione refectus, qui vel talibus aerumnis

numquam non ceteris, qui secum essent in custodia, pium praeberet

solacium.

At inhumana prorsus captivitate, in varia egestate, perfunctus, multisque

modis vexatus, tandem Ioannes piissime, summoque divinae voluntatis

obsequio, requievit die 6 mensis Decembris anno 1952.

Ideo pro fama martyrii, qua confestim hic Famulus Dei floruit, in Curia

Satmariensi, a mense Decembri anno 1991 ad mensem Iulium anno 1996,

Inquisitio Dioecesana est instructa; cuius vim haec Congregatio de Causis

Sanctorum ratam habuit per Decretum die 13 mensis Martii anno 1998

latum. Positione confecta, more tralaticio disceptatum est num Dei

Famulus Martyr occubuerit. Die autem 17 mensis Octobris anno 2009,

habitus est, favorabili quidem cum exitu, Congressus Peculiaris

Consultorum Theologorum. Denique Purpuratorum Patrum et Antistitum