Congregatio pro Episcopis 555

CONGREGATIO PRO EPISCOPIS

PAULALFONSANENSIS et IUAZEIRIENSIS

de finium mutatione

DECRETUM

Quo aptius christifidelium pastorali curae consuli possit, Exc.mi PP. DD.

Vidonius Zendron, Episcopus Paulalfonsanensis, et Iosephus Geraldus da

Cruz, Episcopus Iuazeiriensis, unanimo consensu ab Apostolica Sede expos-

tulaverunt ut circumscriptionum sibi concreditarum fines immutarentur.

Congregatio pro Episcopis, praehabito favorabili voto Exc.mi P.D. Lau-

rentii Baldisseri, Archiepiscopi titulo Diocletianensis et in Brasilia Apostolici

Nuntii, rata huiusmodi immutationem christifidelium bono profuturam,

vigore specialium facultatum sibi a Summo Pontifice, BENEDICTO, Divina

Providentia PP. XVI, tributarum, oblatis precibus annuendum censuit.

Quapropter, hoc Decreto, perinde valiturum ac si Apostolicae sub plumbo

Litterae datae forent, a dioecesi Paulalfonsanensi distrahit et dioecesi

Iuazeiriensi adnectit integrum territorium municipii vulgo "Uauá", mutatis,

hac ratione, utriusque ecclesiasticae circumscriptionis finibus.

Quamobrem documenta et acta praefati territorii clericos, fideles ac bona

temporalia respicientia a Curia Paulalfonsanensi ad Curiam Iuazeiriensem

transmittantur.

Ad haec perficienda Congregatio pro Episcopis deputat memoratum

Exc.mum Apostolicum Nuntium vel, ipso a sede absente, negotiorum

Sanctae Sedis in Brasilia gestorem, necessarias et opportunas eisdem tribuens

facultates etiam subdelegandi, ad effectum de quo agitur, quemlibet virum