CAPUT XXII.

De oratione quae dicitur ante communionem in altari.

Hoc facto, sacerdos perfector sanctitatis

in oculis tenens Christum, antequam pro se et omnibus communicet, dicit hanc orationem : Domine, Jesu Christe, Fili Dei vivi, dirigens ad eum quem in manibus tenet et oculos et intentionem

et orationem, notans obedientiam qua venit ad oblationem in ara crucis, in qua se pro omnibus obtulit, dicens : Qui ex voluntate Patris. Ad Philip. II, 8 : Factus obediens, scilicet Patri, usque ad mortem, mortem autem crucis.Cooperante Spiritu sancto, qui hanc hostiam in utero Virginis formavit. Luc. I, 35 : Spiritus sanctus superveniet in te. Et iterum, Quod nascetur ex te sanctum, vocabitur Filius Dei. Matth.I 20 : Quod enim in ea natum est, de Spiritu sancto est.

Per mortem tuam potentissimam, sicut dicitur, Joan. X, 17 et 18 : Quia ego pono animam meam, ut iterum sumam eam. Nemo tollit eam a me : sed ego pono eam a meipso.Mundum peccatis mortuum, vivificasti. Psal. lxxix, 19 : Non discedimus a te, vivificabis nos. Osee, VI,3 : Vivificabit nos post duos dies, in die tertia suscitabit nos.

Libera me primum, et in me omnes alios. Joan. viii, 36 : Si vos filius liberaverit, vere liberi eritis.Per hoc sacrosanctum corpus et sanguinem tuum, de quo dixisti, Joan. VI, 55 : Qui manducat meam carnem, et bibit meum sanguinem, habet vitam aeternam : et ego resuscitabo eum in novissimo die.

Ab omnibus iniquitatibus meis, quae sunt mors animae, et universis malis, quae sunt mors corporis. Quod autem quidam libri hoc habent : " Et cogitationibus perversis, " non est de littera : quia perversae cogitationes separant a Deo, ut supra, Sapient. I, 3, dicitur, et sub iniquitatibus continentur.

Et fac me, et meos pro quibus tibi offero, tuis semper inhaerere mandatis : quia obedientia generalis debet esse. Jacobi, II, 10 : Quicumque totam legem servaverit, offendat autem in uno, factus . est omnium reus.Et numquam permittas, per donum perseverantiae, a te separari. Matth. XXIV, 13 : Qui perseveraverit usque in finem, hic salvus erit.

Qui cum eodem Deo Patre et Spiritu sancto vivis et regnas Deus in saecula saeculorum. Amen.

Deinde secundum consuetudinem quarumdam Ecclesiarum sacerdos dicit hanc orationem : Corpus tuum, Domine, quod sumpsi, per sumptionem sacramentalem pro me et pro omnibus quibus illud obtuli, et calix sanguinis tui quem potavi, ex quo spiritui tuo communicavimus sacramentaliter, adhaereat visceribus meis, non corporalibus, sed spiritualibus : viae enim vitae animae dicuntur hic viscera, quae sunt intellectus et voluntatis et rationis et cogitationum et affectionum animae : cibus enim et polus animae est, ut dicit Ambrosius, et ideo in viis animae debet permanere, et sic de corporali et sacramentali sumptione manducatio fiat spiritualis, quia illa proficit ad salutem. Sacramentalem autem et corporalem sumptionem multi accipiunt ad damnationem. Unde, Joan. VI, 64 : Verba quae ego loculus sum vobis, spiritus et vita sunt. Et non fuerat locutus nisi de sumptione sacramenti.

Et ideo sequitur : Et praesta : quia hoc non est in nobis perficere nisi tu dederis. Joan. XV, 5 : Sine me nihil potestis facere.Ut in me i n interioribus vitalibus animae, non remaneat sceleruth macula. Macula autem deturpatio imaginis animae ex peccato et reatu peccati causata, sicut dicimus maculosum esse denasatum vel monoculum. Unde, Ezechiel.XVI, 36 et seq., dicitur, quod amatores daemones animae praecidunt ei nasum et aures, et elfodiunt oculos : quia privant visum luminis spiritualis a discretione divinae bo-

nitatis, et auditum verborum Spiritus sancti in allocutione cordis. Has autem maculas delet et reparal ad pulchritudinem cibus et potus spiritualis. Unde dixit Agnes, sicut dicit Ambrosius : " Jam corpus ejus corpori meo sociatum est, et sanguis ejus ornavit genas meas. "

Sic ergo nulla remaneat peccati macula, quem pura et sancta, hoc est, in se quidem pura immunitate omnis maculae, et sancta omnium virtutum plenitudine et puritatem et sanctitatem conferentia, receperunt ad intimorum penetralionem, sacramenta. Pluraliter dicit propter duas species elementales sacramenti.Hanc enim virtutem intima penetrandi habet sacramentum ex hoc quod est veritatis et verbi Dei sacramentum. De illo enim dicitur, ad Hebr.IV, 12 et 13 : Vivus est sermo Dei, et efficax, et penetrabilior omni gladio ancipiti, et pertingens usque ad divisionem animae ac spiritus, compagum quoque ac medullarum, et discretor cogitationum et intentionum cordis. Et non est ulla creatura invisibilis in conspectu ejus. Sapient.VII, 24 : Omnibus mobilibus mobilior est sapientia. Et ideo in sacramento penetrat ad intima.

Hoc autem sacerdos dicit perfector sanctitatis pro se et pro omnibus aliis : quia quamvis ipse solus sacramentaliter

communicet, tamen omnes alii ad hoc adsunt, quia debent spiritualiter communicare.

Qui vivis et regnas in saecula saeculorum. Amen. Hoc est expositum.

Dein deferesecundum omnes ordines Ecclesiarum dicit hanc orationem : Quod ore, sacramentali manducatione, sumpsimus, ego et omnis clerus et populus pro quibus ego sumpsi,pura, hoc est, depurata per fidem, mente capiamus. Act. XV, 9 : Fide purificans corda eorum. Capiamus, i nquam, ut vasa gratiae quae signantur per illud aureum vas in quo gomor mannatis reservatum est : in illo enim ad perpetuam rei memoriam manna custodiebatur. Et de munere, quod de tuo dono accepimus, temporali, quantum ad species visibiles et temporaliter mutabiles sacramenti, fiat nobis ad utilitatem nostram de gratiae tuae plenitudine. Joan.

I, 16 : Et de plenitudine ejus nos omnes accepimus, et gratiam pro gratia. Unde etiam sacramentum gratiae vas et Eucharistia vocatur : remedium, contra peccatum et inediam spiritualem, sempiternum, quia vegetat et nutrit ad gratiam sempiternam. Joan. VI, 59 : Qui manducat hunc panem, vivet in aeternum.

Per eumdem Christum. Hoc est expositum.