CAPUT III.

De imperfectorum instructionis doctrina, scilicet Epistola.

Dicitur, Numer. X, 2: Fac tibi duas tubas argenteas ductiles, quibus possis convocare multitudinem in die qua movenda sunt castra. Ita dictum est Moysi, qui loco Dei est et sacerdotis. Psal. xcvii, : 6 : Moyses et Aaron in sacerdotibus ejus. Duae autem tubae tubicinantes ante sanctitatis perfectorem, sunt subdiaconus et diaconus. Osee, VIII, 1 : In gutture tuo sit tuba. I sa. :LVIII , 1: Exalta quasi tuba vocem tuam. Hae sunt argenteae propter cymbalum et delectabilem sonum argenti, qui significat tinnulum, et dulcem sonum instructionis verbi Dei. Psal. XI, 7 : Argentum igne examinatum. Hae sunt ductiles, hoc est, ictibus malleorum productae : quia uterque patientia tribulationum et virtutum debet esse probatus. Proverb. XIX, 11: Doctrina viri per patientiam agnoscitur, ut merito dicat cum Psalmita,Psal. cxxviii, 3: Supra dorsum meum fabricaverunt peccatores, prolon-gaverunt iniquitatem suam. Virtute enim patientiae probatur fides, dum Doctor pro fide mori est paratus. His duabus convocatur multitudo populi omni tempore, quando movenda sunt castra Dei de virtute in virtutem proficientia.

Una illarum tubarum imperfectioribus congruens, est subdiaconus pronuntians imperfectorum doctrinam. Et quia illa figuratur in praedicatione Joannis, quando Christus adhuc latuit, ideo subdiaconus benedictionem a sacerdote vel Episcopo non accipit: ad ambonem sine luminibus flammarum vadit, quia aperta non proponit. Et si dicatur, quod aperta sunt quae legit de Epistolis Apostolorum, dicendum, quod illa verba ad Evangelium dirigit, in quo lucent, et sine quo nihil lucis habent, et ideo non lucent luce propria. Cum uno acolytho vadit, quia pauci sunt qui praedicationes Joannis et Prophetarum et Legis sunt secuti:

et quia non proponitur illa doctrina ut finis, sed ut introductio.

In legendo autem quatuor attenduntur, scilicet locus, conversio corporis, legendi modus, et reditus ad Episcopum vel sacerdotem. .

Locus in solemnitate est altus : quia omnis Doctor in alto loco stare debet virtutis. Et hoc significatur, Nehemiae seu II Esdrae, VIII, 4, ubi dicitur: Stetit autem Esdras scriba super gradum ligneum, quem fecerat ad loquendum. Gradus enim iste eminentiam signat virtutis.

Vertitur autem subdiaconus legendo ad Orientem: quia adhuc indiget ampliori lumine, ut illustretur. Zachar.XIV, 4: Stabunt pedes ejus in die illa super montem Olivarum, qui est contra Jerusalem ad Orientem. Legendi autem modus est primo quidem, quod legat distincte et aperte. Secundo autem, quod legat devote. Tertio autem, quod legat in potestate clarae vocis. De primo dicitur, Nehemiae seu II Esdrae, VIII, 8 : Legerunt in libro legis Dei distincte et aperte ad intelligendum, et intellexerunt cum legeretur. De secundo autem dicitur, Jerem.

xx, 9 : Facitis est, scilicet sermo Domini, in corde meo quasi ignis aestuans, claususque est in ossibus meis, et defeci, ferre non sustinens. Hoc enim dixit propter fervorem devotionis quem ad sermonem habuit. De claritate vocis, Isa. LII, 8: Levaverunt vocem, simul laudabunt: quia oculo ad oculum videbunt, cum.converterit Dominus Sion. Sic ego est legendum.

Reditus autem ad sacerdotem est, quod veniens ad sacerdotem, manum dexteram sacerdotis osculatur, ut non sibi fructum attribuat, sed Deo per osculum dextrae ejus qui est loco sacerdotis. Ac si dicat: Dextera Domini fecit virtutem, dextera Domini exaltavit me .

Epistola autem dicitur supra missio : quia supererogatio super Evangelium in quo continetur doctrina perfectionis: quia et Lex et Prophetae a Deo et ad testimonium Evangelii supererogata sunt ad doctrinam imperfectorum. Luc. x, 35 : Et quodcumque supererogaveris, ego cum rediero, reddam tibi.

Sic igitur de lectione Epistolae determinatur, quae est instructio Evangelii praeambula.