QUAESTIO III.

Utrum Pater et Filius omnino uniformiter spirent Spiritum sanctum ?

Alens. I p. q. 46. mem. 6. D. Thom. I.p. q. 36. art. 3. et hic q. 1. art. 3. B. Bonavcnt. hic q. 3. Richard. ibidem. Dnctor in Oxon. hic q. 2. Vasquez I. p disp. 150. c. 2.

Quod non. Augustinus 15. de

Trinit. cap. 27. Pater spirat principaliter.

Item, Hieronymus epistola octogesima octava: Spiritus sanctus est a Patre proprie.

Item, Hilarius duodecimo de Trinitate : Spiritus sanctus est a Patre per Verbum.

Item, Richardus septimo de Trinitate : Spiritus sanctus est a Filio immediate, a Patre mediate.

Item, Auctor de causis, propos. I. Causa prima plus influit quam secunda.

Oppositum : Uno principio formali, et una actione omnino spirant ; igitur omnino uniformiter.