QUAESTIO UNICA.

Utrum processio Spiritus sancti sit generatio ?

Alens. I. p. q.43. memb. 2. D. Thotn. I. p. q. 27. artic. 4. D. Bonavent. hic q. 2. Richard. q. 3. Major 9. I. Aritnin. q. unica. Henric. in tum a. 37. q. 7. et Quodl. 5. q. 9. Doctor in Oxon. hic q. unica, et fuse quadi. 2. Vasquez 1. p. disp. 113.

Circa distinctionem decimmalertiam quaeritur : Utrum processio Spiritus sancti sit generatio ? Quod sic videtur. Omnia sunt eadem in divinis, ubi non obviat relativa oppositio secundum Anselmum de Processione Spiritus sancti, cap. 3. et secundum Boetium in lib 1. de Trinit. c. 12. sed hic non est oppositio relativa ; quare, etc.

Praeterea, generatio non est distincta productio a processione ; igitur, etc. Antecedens probatur, quoniam relationis non est relatio, sed distinctio importat relationem ; igitur processio non habet distinctionem a generatione ; igitur, etc.

Dicetur forte quod distinctio non est alia relatio, sed distinguitur seipsa, sicut refertur seipsa, unde generatio est alia relatio quam processio, sed ista alietas non est alia relatio.

Contra, alietas est relatio ejusdem rationis in extremis, .sicut identitas, sed generatio non, nec processio ; quare, etc.

Contra, Augustinus 5. de Trin. c. 17. Spiritus sanctus processit non quomodo natus, sed quomodo datus.