QUAESTIO I.

Utrum Deus habeat determinatam praescientiam de eventu futurorum contingentium ?

Alens. I p. q. 23. mem. 2 art. 4 et memb. 4. D. Thom. I. part. q. 1 4. art. 9. et 13. D. Bonavent. dist. 39. art. 2.q. 3. Richard. hic. q. 2. Gabr. q. i. art. 2. Capr. dist. 36. quast. I . art. 2. Doctor in Oxon. d. 39. Saar. opusc. de scientia Dei, el I. p. tr. I . l. 3. c. 3. 4.5. Vasq. l. disp. 64. 65.

Circa distinctionem XXXVIII. quaeritur : Utrum Deus habeat determinatam praescientiam de euentu futurorum contingentium ? Quod non videtur, quia si sic, illa notitia aut esset alicujus simplicis aut complexi. Si primo modo, per illam non cognoscet eventum alicujus futuri, quia notitia simplex non est nisi apprehensio alicujus, ut est indifferens ad omnem differentiam temporis ; unde non est apprehensio de eventu alicujus, sed rei in se. Non est etiam secundo modo notitia alicujus complexi, quia intellectus divinus non intelligit componendo et dividendo, cum non sit compositivus et divisivus.

Contra, Augustinus 13. de Trin.c. 14. et est in littera : Non ista ex aliquo tempore cognovit Deus, sed omnia futura temporalia.