QUAESTIO II.

Utrum Deus necessario praesciat even tum rei futurae ?

Vide Doctores citatos quaest. antecedenti.

Quod sic, Deus immutabiliter scit ; igitur necessario, quia in eo non est alia necessitas quam immutabilitatis.

Item, omne ens immutabile est necessarium in essendo ; igitur est necessarium in intelligendo et immutabile.

Item, quidquid potest inesse Deo formaliter, est Deus ; sed formaliter scire A, potest inesse Deo ; igitur est Deus ; igitur est necessarium.

Oppositum ; si sic, igitur necessario erit, quia necesse est quod scitum sit verum ; igitur si est necessario, scitum absolute est necessarium.