Scholium.

Asserit non sufficere conformitatem in volito cum voluntate divina, ut voluntas nostra sit recta, sed requiri insuper ut reguletur a divino praecepto.

Respondeo, voluntas creata potest intelligi conformis voluntati divinae, vel quoad volitum, vel quoad hoc quod est regula volendi, et hoc per modum praecepti ; si igitur quaerit utrum est recta,quia est conformatio in volito, dico quod non oportet quod tunc sit recta, quia voluntas divina est causa boni, et ideo eo ipso quod vult aliquod, ipsum est bonum, si nostra non est causa boni, imo quia est bonum, Deus jubet ipsum velle ; igitur ad hoc quod sit recta voluntas nostra, requiritur objectum cum omnibus circumstantiis. Secundo modo, si est conformis per modum imitationis, ut regulatur a divino praecepto, sic conformis est recta, quia necesse est venire ad volitionem seu voluntatem rectam in obliquabilem. Sed hoc non potest esse voluntas prima, cui nostra conformatur, non per similitudinem, sed imitando eam ut regulam per modum praecepti, fit recta ; de ista quaestione quaere alibi.

FINIS LIBRI PRIMI LECTURAE PARISIENSIS.