345. (2. ) In Circumcisione Domini

De Festo Baculi.

1. Anni novi reditus

Nova reddit gaudia,

Concessa divinitus Sollennis laetitia

Nobis datur hodie,

Datorem laetitiae Collaudet ecclesia.

2. 0 lux digna laudibus,

Novam refers speciem, Mediis frigoribus

Pingens urbis faciem Floribus purpureis, In vernalem revehis Hieme temperiem.

3. Florum speciositas

Conventus nobilium, Canora iucunditas

Est concentus avium, Fructus notant opera, Largitoris munera Dant messis indicium.

4. Vere flores varii

Et fructus amabiles Viri sunt egregii

Et personae nobiles, Qui florent in frigore Et brumali tempore Sunt immarcessibiles.

5. Praeferendus ceteris Morum celsitudine Non minus quam generis

Multiformi lumine Serenat ecclesiam, Magis autem patriam Luminoso nomine.

6. Fructus tui probitas Sunt illius opera, Mira cuius largitas

Quamvis det innumera, Magis placent omnibus, Quam his pro muneribus, Propter ipsum munera.

7. 0 gestator baculi,

Te probat et praedicat Cleri vox et populi,

Tuis gestis vendicat Laudis omne solium, In te solum omnium

Invitantur oculi.

8. Quae te canet debitis Laudibus subtilitas, Quoniam a meritis

Humilis sublimitas Tuis non erigitur, Cuius esse noscitur Sublimis humilitas.

9. Iam triumphat aemulos Laus tuorum actuum, Tuos canit circulos,

Celebrat nomen tuum Aeterna memoria, Tibi laus et gloria

Nunc et in perpetuum.