349. (6. ) De Beata Maria V.

R. 0 gloriosa domina,

Quorum te laudant carmina, Precamur, dele crimina.

1. Dei matris cantibus

Sollemnia Recolat sollennibus

Ecclesia. Vota tuis auribus

Concilia Te devotis vocibus

Laudantia, Digna dignis laudibus.

2. Tua nos restituit

Conceptio, Quos serpentis obruit

Deceptio, De mortis eripuit

Confinio Et finem imposuit

Exsilio, Quod Eva promeruit.

3. Est et venerabilis

Sollemnitas Nobis tua nobilis

Nativitas, Surgeret ut fragilis

Humilitas, Per quam venit humilis

Sublimitas Incomprehensibilis.

4. Quam tibi vox attulit

Angelica, Mundum salus extulit

Ad caelica, Bona secum detulit

Vivifica, Mala nobis abstulit

Mortifica Et in salutem contulit.

5. Pudoris incognitus

In te nitor, Cuius nullus coitus

Est cognitor, Ex te nobis editus

Est conditor, Idem tibi genitus

Et genitor, Patris unigenitus.

6. Te decet fecunditas

Virginalis, Luminum festivitas

Spiritalis; Cera est virginitas

Parentalis, Linum est humilitas

Filialis, Ignis est divinitas.

7. Ades ergo miseris

Supplicibus, Et nostri memineris

Ut precibus, Nos coniungas superis

Spiritibus, Quo praelata ceteris

Caelestibus Fructu tuo frueris.