Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
1 a. Martyr Christi, quem laudamus Martyr, cuius celebramus Diem natalitium,
1 b. Donet nobis, ut insigne Recolamus sui digne Triumphi praeconium.
2 a. Iste dignus Thomas dici Non solum apostolici Nominis promeruit,
2 b. Sed virtutum et sanctorum Apostoli meritorum Consors esse studuit.
3 a. Adversanti qui perverso Propter Deum ex adverso Stans in die proelii,
3 b. Pastor bonus exposuit Et pro suis opposuit Se murum refugii.
4 a. Virum angelicum
Et patrem patriae Propter iustitiam Damnat exsilio Tyrannus Anglicus.
4 b. Fremit in medicum Frenantem impie Mentis insaniam Sacro consilio Suum phreneticus.
5 a. In hoc certamine
Vir plenus gratia, Pro Christi nomine
Pulsus ab Anglia, Venit magnificum
Ad regem Franciae, Regem pacificum,
Regem ecclesiae
Defensorem.
5 b. Illustris exsulum
Rex reconciliat Tyranno praesulem,
Qui dolum palliat Pacis umbraculo
Fictae vel fictilis, Namque discipulo
Tradenti similis Occulit osculo Proditorem.
6 a. Sub hac perfidia
Redditur Anglicis Pater amabilis;
6 b. Redit iustitia,
Comes pontificis Inseparabilis.
7 a. Proli dolor, igitur Dolus detegitur, Et quid atrocius? Quo patre filius
Immolatur, Hic e contrario Pater a filio Trucidatur. Ornat altaria
Spiritalis Iam pridem hostia Triumphalis.
7 b. Mactatur pontifex Sacer et sacrifex Fit sacrificium Suave nimium
Maiestatis Summae conspectibus, Res mira ! manibus Exsecratis. Punitus gladiis Anglicorum, Potitur gaudiis Angelorum.