Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
R. Nostris, regina, precibus Esto patens ad filium, Quo clauso venit, ostium, Salvare nos ab hostibus.
1. Laudes canamus virginis,
Quae sermone, non semine A Deo, non ab homine Fit Dei mater hominis, Superni saepta flaminis Urbs septiformi flumine.
2. Salve, virgo, flos virginum, Producens fructum gratiae, Cuius esus esuriae Spes saginatur hominum, In quo medela criminum, In quo salus ecclesiae.
3. Ex parte rerum principis Salutem tibi nuntius Affert seminiverbius; Dum verbum aure percipis, In verbo verbum concipis, Fit tuus Dei filius.
4. 0 quam bene te iudicas
In throno tanti muneris, Quantae culmen ascenderis Humilitatis, indicas, Dum ancillam te praedicas, Cuius mater eligeris.
5. Ros gratiarum omnium
Dum vellus tuum saturat, In quo gratum refulgurat Deo reclinatorium, Carnis in te cilicium
Verbi splendore purpurat.
6. Tota descendit deitas
In templum tui pectoris; De terra tui corporis
Nobis est orta veritas
Et aeterna divinitas Incepit esse temporis.
7. In qua propitiatio
Veritati fit obvia,
Per quam pax et iustitia Convenerunt in basio Iustorum in concilio,
Dei mater et filia,
Tuo nos reconcilia Patri simul et filio.