346. (3. ) In Circumcisione Domini.

De Festo Baculi.

1. Adest dies

optata, socii, Quidquid agant et velint alii, Nos choream ducamus gaudii.

Pro baculo Exsultet hodie

clerus cum populo.

2. Hoc omnibus

unum negotium Nobis instat

et negat otium, Laetitiae

Dans exercitium.

Pro baculo Exsultet hodie

clerus cum populo.

3. 0 quam felix,

cuius ad gaudia Conveniunt

de tota Francia Referentes ei praeconia. Pro baculo Exsultet hodie

clerus cum populo.

4. Decet ergo

baculi bajulum, Tantae iure

laudis ad cumulum Bene gestis

ut emat aemulum.

Pro baculo Exsultet hodie

clerus cum populo.

5. Novum dandi

genus inventitat, Petentibus

ita subventitat, Quod petentes

dando praeventitat.

Pro baculo Exsultet hodie

clerus cum populo.

6. Dator ille

non debet negligi, Pro se dona

Qui magis colligi Quam donando se facit diligi. Pro baculo Exsultet hodie

clerus cum populo.

7. Cantilenam

dilectis sociis Guido mittit

hanc de Basociis, Interesse

promptus his gaudiis, Nisi procul

esset in studiis.

Pro baculo Exsultet hodie

clerus cum populo.