Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
1. Luge lucis, Anglia, Sublato tibi radio, Luge, mater, pro filio,
Plange patrem, filia,
Plange, Cantuaria,
Tuum decus et decorem, Sponsa virum, grex pastorem,
Magistrum ecclesia.
2. Sed parcendum potius
Est lacrimis, vox flentium Convertatur in gaudium;
Nam de morte clarius
Triumphat egregius
Christi miles, quem decepit Mortis reus et praecepit
Occidi rex impius.
3. Dat caritatis stadium
Largam dolendi copiam Et maerendi materiam, Sed vincendi studium Et vincentis praemium Premit causam tristitiae, Dat gaudere victoriae Corona stipendium.
4. Nam tanta de praemio
Triumphantis debet esse, Tam sollennis, est necesse
Sit ut exsultatio,
Quanta de supplicio Patientis et agone, De beata passione
Quam pia compassio.
5. Haec est illa lacrimarum Bipertita divisio, Quas bimembris compunctio Fonte trahit gratiarum, Ut in sacro scripturarum Invenimus eloquio.
6. Lavat istis se lamentis
Sub timore constitutus, Sed amore resolutus Consolatur his fluentis, Aestum liquefacit mentis, Ut dilectus est locutus.
7. Pia naturae pignora
Gignit ex carne genitus Affectus istos gemitus, Praesentis inter aequora Vitae pacis ad littora Suspirat in his spiritus.
8. Sic non de carne femina, Sed de costa producitur, Cum animale regitur A ratione domina, Cuius cum siccat lumina, Caro pro costa redditur.
9. In hac scala descendentes Per gradus eius mysticos Super greges erraticos Et iterum ascendentes Contemplari piae mentes Solent cives angelicos.
10. Hic est typus altarium,
Quorum hoc aere regitur, Illud ex auro legitur; In isto sacrificium Immolatur carnalium, In illo tus incenditur.
11. Debemus diligentius
Hunc sanctorum affectuum Modum servare mutuum Sicut axa superius. Cum haberet inferius, Suspirabat irriguum.
12. Ergo chorus ecclesiae
Poenis assit medullitus, Quas vicit martyr inclitus Congratulemur gloriae, Qua gloriatur hodie
Victor in astris positus.