Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
1 a. 0 praecursor, ortu cuius Gloriosa fulget huius Diei sollemnitas,
1 b. Dona nobis, te rogamus, Ut devote persolvamus Laudes tibi debitas.
2 a. Dies enim haec insignis, Dies est haec digna dignis Laudibus ecclesiae,
2 b. Qua lux solem praecessisti, Odor florem praevenisti, Miles regem gloriae.
3 a. Vox clamantis in deserto, Gabrielis non incerto Conceptus oraculo
3 b. Reserasti mox genitus
Vocem patri divinitus
Negatam incredulo.
4 a. Ventris adhuc in abdito Materni clausus posito Virginis in regia,
4 b. Tuae regi iustitiae Dedicasti laetitiae Beata primordia.
5 a. Citra virum, supra vires Soli subis ut servires Deo solitudinem,
5 b. Fugis turbas, fugis urbes, Ne qua levitate turbes Sanctitatis ordinem.
6 a. Victus ibi tibi vilis, Tibi vestis hirta pilis Sacros artus induit,
6 b. Tantae tamen dignitatis, Quod et verbo veritatis Approbari meruit.
7 a. Vere maior mulierum Inter natos Deum verum Baptizans in homine,
7 b. Lavans eum, qui nos lavit A peccatis et mundavit Mundum suo sanguine.
8 a. Divina voce merito
Plus quam propheta diceris, Qui salvatorem populo
8 b. Deum demonstras digito, Longe visum a ceteris Et veluti sub speculo.
9 a. 0 quam felix eremita,
Quantae vir abstinentiae, Quam sacris pollens dotibus,
9 b. Cuius illustratur vita
Tot septiformis gratiae, Tot virtutum insignibus !
10 a. In quo labes vitiorum
Nulla prorsus laboravit, Sed naevum immunditiae
10 b. Illa vestis angelorum, Virginalis ignoravit Candor innocentiae.
11 a. Fructus ditat hos ter denus, Illos vero sexagenus, Ornat honor te centenus Caeli, vatum maxime.
11b. Nos ergo piis precibus Tuis astantes laudibus Solve noxarum nexibus, Martyr invictissime.