Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
1. Quantum decet, quantum valet, Quanto Dei zelo calet
Caterva fidelium, Digna laude veneretur, Cui digna laus debetur,
Beatum Aegidium.
2. Hic Athenis oriundus
Adhuc aevo tener, mundus
A mundi lascivia, Vicit opes virtutibus, Genus excessit moribus,
Aetatem scientia.
3. Hic fons largae pietatis Opus piae largitatis
Primum suae tribuit Sanctitatis argumentum, Dans egeno vestimentum,
Quo se magis induit.
4. Ut compararet caelicam,
Terrenam dedit tunicam,
Dedit, immo vendidit;
Emit enim largiendo,
Quod avare possidendo
Primus homo perdidit.
5. Sanum prece pretiosa Reddit virum, quem virosa
Consumebat laesio; Solvit clave labiorum Et virtute meritorum
Captum a daemonio.
6. Christi verus imitator Paupertatis fit amator Et relictis omnibus Exsul abit, tollit crucem, Mavult Christum sequi ducem, Quam praeesse ducibus,
7. Praedam ventis atque mari Datos munit salutari
Precum propugnaculo; Dat salutem destitutis, Opem vitae constitutis
Mortis in articulo.
8. Arelatem transfretavit, Hic a febre revocavit
Filiam Theocritae; Fines petit Nemausorum, Gratuletur gens Gotorum
Tanto felix hospite.
9. Corvus pavit in deserto Servum Dei, quem aperto
Currus tulit aere; Mel, locusta praecursori, Cerva patris huius ori
Lac propinat ubere.
10. Armipotentis Franciae Regem orando gloriae
Regi reconciliat, Suum ei dum reatum, A quo sibi revelatum,
Et dimissum nuntiat.
11. Nobis ergo propitius Sanctus pater Aegidius
Precum suarum aegide Gregem se venerantium, Nostrae salutis ostium,
Defendat a tyrannide.