357. (14. ) De ss. Rufino et Valerio.

1. In hoc sacro sollemnio [Sollenni cum praeconio] Laudes regentis omnia Resultet in ecclesia Modulis laetitiae, Qui pro se militantium Rufinum et Valerium Donativo muneravit Et victores honoravit Mercede victoriae.

2. Vere namque sunt victores Veritatis assertores, Qui pretioso sanguine Fuso pro Christi nomine Purpurant ecclesiam. Claris Romae natalibus Orti Gallorum gentibus Deum verum praedicabant Et egenis erogabant Facultatum copiam.

3. Hoc audito iudex quaeri lubet eos et torqueri; Infideles atque rei Catenatos servos Dei Trahunt ad supplicium. Sistuntur ante praesidem, Profitentur veram fidem, Flagellantur a iudice, Christum fatentes publice Verum Dei filium.

4. Furibundus frendet leo, Illi laudes canunt Deo, Mox truduntur in carcere, Sub catenarum pondere Clamantes ad Dominum: Pro cuius fide caedimur, Cuius amore patimur

Haec tormentorum genera, Christe redemptor, libera Nos a viro sanguinum.

5. Post tormenta, post labores, Post flagella, post dolores, Signo Christi triumphali Praemuniti, capitali Plectuntur sententia. Quorum devotis precibus Irretitos criminibus Nos a peccatis abluat Rex caelestis et annuat Sempiterna gaudia.

6. Christi martyr, o Rufine, Cum quo viges sine fine, Pande nobis tua prece, Qui jacemus in hac faece, Polorum palatia. Christi miles, o Valeri, Memor esto nos tueri

Et pro nobis orans Deum Pio regi gregem reum Pie reconcilia.

858. (15. ) De sancto Stephano.

1. Protomartyr Stephanus tuus, o rex gloriae, Et invictus signifer caelestis militiae Hostes tui nominis vicit hodie, Domine, Suo sanguine.

2. Tui protomartyris

Stephani sollemnia Psalmis, hymnis, laudibus

recolat ecclesia, Qui promissa meruit a te praemia, Domine, Suo sanguine.

3. Sit laus protomartyri

Stephano, qui spiritus Sancti plenus gratia

veritatis inclitus Defensor exsistere non est veritus, Domine, Suo sanguine.

4. Tuum protomartyrem

Stephanum, qui fortiter Triumphavit hodie,

collaudemus pariter, Consecrans ecclesiam tuam digniter, Domine, Suo sanguine.

5. Protomartyr Stephane, qui devotis precibus Exorasti Dominum

pro te lapidantibus, Assistentes protege tuis laudibus, Domine, Tuo sanguine.

6. Pro beato Stephano tibi benedicimus, Rex, corona martyrum,

tibi grates agimus, Imitari, petimus, da, quod colimus, Domine, Suo sanguine.