2. De ss. Trinitate.

1. Paraclitus Increatus,
Neque factus neque natus,

2 a. Patri consors genitoque,
Sic procedens ab utroque,

2 b. Ne sit minor potestate
Vel discretus qualitate.

3 a. Pater alter, sed gignendo,
Natus alter, sed nascendo,

3b. Flamen ab his procedendo
Tres sunt, unum subsistendo.

4a. Quisque trium plenus Deus,
Non tres tamen Dii sed unus,

4b. Nam vera fides veneratur
Tres, sed unum confitetur,

5 a. Dans usiae unitatem
Et personis trinitatem.

5 b. In personis nulla prior.
Nulla major, nulla minor.

6 a. Unaquaeque semper ipsa.
Sic est constans atque fixa,

6 b. Ut nec in se varietur

Nec in ullam transmutetur.

7 a. Tu solamen in labore,
Medicamen in languore.

7 b. Tu in arto liberator
Et in lapsu relevator.

8 a. Da fidem, spem, caritatem,
Da discrctam pietatem,

8 b. Da contemptum terrenorum,
Appetitum supernorum.