301. De sancto Maiorino.

1. Maturinus, vir maturus,
Quamvis puer tamen purus
Militat In puero,

2a. Flos jucundus, flos fecundus,
Per affectum et effectum
Pullulat a tenero.

2b. Flore Sion decoratur
Et decora serenatur
Galliae lucifero.

3a. Fide patrem reformavit,
Matrem suam reparavit

Verae vitae gratia,

3 b. Maturinus maturus pectore
Clarus stirpe, praeclarus
opere
Victor transit stadia.

4 a. Fit sacerdos p Iidem sacer,
Orans, plorans, vigil, macer
Se Deo suppeditans.

4b. Romam petens maria
Sedat et naufragia
In fide non haesitans.

5 a. Christi servus Romam venit
Pestem, plagas, morbos lenit,
Effugat daemonia:

5 b. Gratulatur Imperator,
Quod ejectus est vexator
Spiritus a filia.

6 a. Spernit lucrum temporale,
Dum praefertur aeternale
Christi beneficium

6 b. Romae sanctus conversatu
Et diversis suffragatur
Regis per triennium.

7 a. Febre post haec Inflammatus,
Coelitus sed obumbratus
Mundo mundus moritur,

7 b. Vivens vita coelica
Turma cum angelica
Gloria perfruitur.

8 a. Terrae corpus commendatur,
Nec In terra commoratur
Extra terram positum,

8b. Extorrem condiverat
Princeps et remiserat
In capsa reconditum.

9 a. Hunc remissum suae terrae
Princeps jubet suos ferre
Cum honore regio,

9 b. Vivus dudum hoc optavit
Et legatos obligavit
Pridem hoc officio.

10 a. Liricantus fertur vicus,
Ubi Christi est amicus
Corruscans miraculis:

10 b. Liricantum habitavit,
vitae liram temperavit
Non deliris modulis.

11a. Hinc translatus, hinchumatus,
Ubi vixit, ut praefixit,
Hic quiescit, hic clarescit
Galliarum populis.

11b. In hoc loco praestolatur
Stolam, In qua sustollatur,
In qua sancto conferatur
Vita refrigerium.

12 a. In hoc sancto speculemur,
Sancti vitam Imitemur
Et In sancta contemplemur
Vita vitae bravium.

12 b. O vir sancte, Maturine,
Vir virtutum, vir divine,
Vir maturae medicinae
Dans aegris remedium.

13 a. Stringe nostrae carnis fluxum,
Sicca mare, purga luxum,
Lepram sana Simoniae,
Lava nostrae naevos Liae,
Quaeque mundans sordida.

13 b. Ut vivamus emundati,
Regno Dei praeparati,
Dei formam praetendentes,
Veste sponsi refulgentes
Aula coeli fulgida.