247. De s. Johanne Evangelista.

1 a. Virgo mater ecclesia
Decantet In laetitia
Sempiternum Alleluja,

1b. Quae virtutum plantaria
Mittit colente gratia
Ad coelorum palatia.

2 a. Et redolet mirifica
Regis sui praesentia
Sicut cella vinaria,

2 b. Est et domus eburnea,
In qua delectant varia
Myrra, gutta et casia.

3 a. O quam beata patria,
In qua vera justitia
Justa partitur praemia,

3 b. Et ue fiat Invidia,
Pro quavis Indigentia
Omnibus donat omnia.

4 a. Felix sponsa, felices nuptiae,
Quibus nullae desunt deliciae,
Quibus Deus est copia.

4b. Ibi nihil adest tristitiae,
Ibi nibil abest laetitiae,
Ibi nulla Inopia.

5 a. Hic qui possit reprobari
Nullus potest epulari,
Nam nos admittit gratia,

5 b. Qui et veste nuptiali
Et amore filiali
Ornant sua cubilia.

6 a. Non est opus hic speculo
Nec lippiente oculo,

Rachel regnat, cedit Lia;

6 b. Non est locus hic profanis,
Transvadatus est Jordanis,
Ecce promissa patria.

7 a. Hic Incircumscriptum lumen,
Hic est aquae vivae flumen,
Hic est agnus pro lucerna:

7 b. Hic est panis angelorum,
Hic affectus beatorum

Et haee cuncta sunt aeterna.

8 a. Hic est, fili Zebedaei,

Quod quaerebas, regnum Dei,
Hic est maiestas regia;

8 b. Ibi sedens nos exaudi

Assistentes tuae laudi

Et propulsato vitia.

9. Fac, patrone, quod precamur,
Ut cantare mereamur
In aeterna laetitia.