266. De sancta Katharina.

la. Extollamus In hac die
Extollendas laudes piae
Katharinae virginis,

1b. Commutantis morte brevi
Vitam aeternalis aevi,
Regnum vitae perpetis.

2 a. O quam mundi salvatricem,

O quam coeli regnatricem
Decet haec pedissequa,

2b. Quam non vincunt blandi-
menta,
Non sophorum argumenta
Nec ars syllogistica.

3 a. Diris poenis haec addicta
Vincit omnes sed Invicta,
Vincit eloquentia,
Fide, patientia.

3b. Morti cujus exquisitae
Eotae, serrae gladiique
Ejus collisa precibus
Quaternis morsu millibus.

4 a. Per hanc grex philosophorum,
Imperatrix, plebs multorum
Cum coetu nobilium

4b. Christo credunt et recedunt
Cum tremore ab errore
Et cultura daemonum.

5 a. Fiunt Isti
Testes Christi,
Reverentur,
Confitentur

Ore, corde Dominum;

5b. Pro quo torti
Non absorpti
Moriuntur
Sed nascuntur

Coelo per martyrium.

6 a. Quos praemissos subsecuta
Martyr hodie soluta
Ab aerumnis saeculi

6 b. Coelum scandit Katharina,
Cujus corpus monti Sina
Commendarunt angeli.

7 a. Hujus signo tumuli
Liquor stillat olei,
Quo sanantur languidi.

7 b. Rex regum mirabilis,
Fove nos suffragiis
Hujus mirae virginis

8. Huic supplicantes
Tuis donis mirificis.