97. De beata Maria V.

la. Flos de spina procreatur,
Et flos flore fecundatur
Fructum vitae proferens;

1b. Inter spinas rosa crescit,
Sed spineti dolum nescit
Flos prae cunctis redolens.

2 a. Haec est Evae de radice
Virga nata peccatrice
Primo carens vitio,

2 b. Haec radicis noxam gerit,
Sed in illa noxa perit
Fecundata filio.

3 a. Haec est rosa delicata,
Quae de regum ramis nata
Nobis fert umbraculum,

3 b. Paranympho salutata,
Pneumateque impraegnata,
Christi tabernaculum.

4 a. Ave virgo gravidata,
Rubo Moysi signata,
Genitrix verbigenae;

4 b. Igne sacro inflammata,
Per te simus, advocata,
Coelici indigenae.

5 a. Tu es mater Salomonis,
Digna sceptris et coronis,
O regina gloriae;

5 b. Tu es vivus fons hortorum,
Quem mens sitit infirmorum,
O pincerna veniae.

6 a. O praeclara stella maris,
Qua processit lux solaris,
His intende precibus;

6b. Quae per montem designans,
Unde lapis angularis
Venit sine manibus.

7 a. Salve, virgo singularis,
Tu quae digne dominalis
In supremo solio;

7 b. Dona regis pretiosa

Impertire, gratiosa.

Nobis in exsilio.

8 a. Gaude, cujus ob dulcorum
Cor liquescit per amorem
Tuum, vernans lilium;

8b. Auro fulvo decorata,
Messiam es amplexata,
Summi Dei filium.

9 a. Tale, florens et amoena,
Ante ortum luce plena,
Puritatis viola;

9b. Vale virga aridosa,

Fronde, flore germinosa,
Proferens amygdala.

10 a. Vale semper et laetare
Et quod digne te laudare
Possimus in patria,

10b. Dulcis virgo, te rogamus,
Et sincere flagitamus
Pro coelesti gloria.