349. In Translatione s. Thomae Aq.

la. De superna monarchia
Lux emissa cum sophia
Dat lumen fidelibus,

1b. Thomas dictus In hac via,
Cum coelesti hierarchia
Concordat virtutibus.

2 a. Ex abysso vanitatis
Virum sumniae puritatis
Vocat sapientia,

2 b. Quem abyssum veritatis
In fiscella paupertatis
Statuit Pannonia.

3a. Qui creavit entia
Summa providentia
Hunc praeordinavit,

3 b. Quem sua clementia,
Replevit scientia
Spirituque pavit.

4 a. Hic est legis declarator,
Hic doctorum lueidator
Sacra pandens munia,

4b. Falsos dissipat errores
Verosque componit mores,
Nota reddit crimina.

5 a. Thronum tenens Salomonis,
Regnum sternit Babylonis
Dogmaque gentilium,

5b. Vires superat Samsonis,
Castis dum cingitur zonis.
Fit ceu candens lilium.

6 a. Felis. per quem veritas
Panditur et falsitas
Omnis reprobatur,

6 b. Virtutum moralitas,
Vitiorum pravitas
Mundo demonstratur.

7 a. Latet hunc dum sacrum
numen,
Petri, Pauli adest lumen,
Quo praeceptor omnium

7 b. Jubet jubar Illustrari,

Sidus vult clarificari
Pro luce fidelium.

8a. O quam probat hunc doctorem
Verum populi ductorem
Domini sententia,

8 b. Quam bene de me scripsisti,.
Christus Inquit, ergo Isti
Credat jam ecclesia.

9 a. Laudes ergo pro Inclito
Thoma doctore dicito,
Plebs serena,

9b. Cujus doctrinae radius

Christum demonstrat clarius
Luce plena.

10 a. Sed tu, rabbi, pater pie,
Virgo purus et sophiae
Amator assiduus

10b. Veritatem primam ora.
Ut quacunque nobis hora
Sit doctor perpetuus.