303. De. sancto Mauritio.

la. Ex affectu cordis mundi
Recolamus laetabundi
Martyrum memoriam,

1b. Qui pro Christo spernunt
mundum,
Ut de mundo mittant mundum
Spiritum ad patriam.

2 a. Ad mandatum saevi regis
Ferro caesus pii gregis
Cadit quisque decimus,

2 b. Scelus Idem Iteratur,
Ut hoc metu terreatur
Legionis animus.

3 a. Fremunt hostes sed Thebaei
Propter testamentum Dei
Sua tradunt corpora:

3 b. Mori prior quisque vovet,
Felix locus, qui tot fovet
Pretiosa pignora.

4 a. Felix terra, felix pratum,
Pretioso purpuratum
Thebaeorum sanguine,

4b. Felix virens Viroletum,
Ubi laetus subit letum
Grex pro Christi nomine.

5 a. Victimatur grex fidelis,
Cujus merces est In caelis,
Cadit sed non vincitur,

5 b. Venit hostis, secat, caedit,
Sed grex sacer minus cedit,
Quanto magis caeditur.

6 a. O Mauriti, miles fortis,
O Thebaeae dux cohortis,
Christo nos concilia,

6 b. Fac In pacis visione
Cum Thebaea legione
Nos frui laetitia.