201. De sancta Erntrude.

la. Plausu laeto jubilemus
Summo regi, personemus
Erntrudis solemnia,

1b. In qua gemma fulsit morum
Ab infantia bonorum,
Quae est regens omnia.

2 a. Effatus nullus sufficit
Nec oda ulla perficit
Ipsam plene laudare,

2 b. Ejus in excellentia

Hic quondam rexit entia
Terrena quam praeclare.

3 a. Respuit tunc pocula
Vasis Babylonis,
Fervens fuit rosula
Haec Judaei donis.

3 b. Ut lecythus olei

Herae Sareptenae
Sic in olla fidei
Fecundavit plene.

4a. Arbori ut sit, subjectas
De virtute in virtutem
Duxit cum prudentia,

4b. Respexitque vias rectas,
Animarum ut salutem
Firmet cum solertia.

a. Vias Dinae haec abnuit,
Acta Mariae imbuit
Et cum Martha coluit.

5 b. Dei potentis filia
Futans mundi vilia
Coeli legit lilia.

6 a. Jesu dulcis, ob amorem
Emtrudis atque decorem,
Virginis sanctissimae,

6 b. Salva omnes hanc laudantes
Gaudia et deprecantes
Data invictissimae.