207. In Translatione s. Fidis.

1. Doxa per omnia
renitet cosmi climata

2 a. Uranica

turma concinat
in altis gloriam
ac voce clara
resultet Alleluja.

2 b. Hinc terrea

cuncta applaudant
nova certamina,
praecelsa, pura,
herili laude digna.

3 a. Quae Fides egregia,
Deo dicata martyr pia,

3 b. Exsuperavit cuncta

prudentum ut psychomachia.

4 a. Nempe exorta
nobili prosapia

4 b. Sacra delegit
pudica connubia.

5 a. Vera refert historia
Hac quidem de causa
passim pervulgata
intonuit fama
In Dacianica aulea.

5 b. Comperta ut sunt famina,
Ad tribunalia
tyrannica ducta
impia per jussa
Quaeritur, an sit Christicola.

6 a. Tum virgo beata
immota

neque perterrita
affatur
voce serena:

6 b. Haec fides divina
suscepta

in mente devota
inserta
fertur gratia.

7 a. Hinc saeva caterva

neci praeparat dari membra
tenera per supplicia.

7b. Accenditur pyra,
media super craticula
uritur Dei athleta.

8 a. Ambusta ferens latera
sed nondum devicta,

8b. Tegitur Christi gratia,
qua fit obumbrata.

9 a. Ducta ad delubra
Capitali sententia
finitur intemerata
sacra gestans praemia
Juncta virginum chorea.

9 b. Hinc tonant cantica
De te, virgo, praelibata
sponsi sequens vestigia
ejus forma accensa
Cunctam liquisti machinam.

10 a. Ac custodum speculam
adisti agitata

10 b. Exorcizans quaerula,
clamitans ahniphona:

11a. O beata

vigilum turma,
pande secreta
dilecti cubilia,

11b. Cujus forma
sum vulnerata,
dudum anxia
quaero exanimata.

12 a. Caterva theologa
praedicat subisse
poli fulcra.

12b. Quem cohors virginea
spectat florida
inter lilia.

13 a. Ab, virgo coelibala.
Alma quaeris gaudia,
quo laetatur
plebs redempta
Ac omnis una eoelica.

13 b. Tanto foedere digna,
Tu Christo gratissima
martyr, scande
poli templa,
Vita beata merita.

14 a. O virginum gemma
paradisique accola,

14 b. Emunda delicta

nostra tua prece pia.

15 a. Praecelsa

suscipe vota hac
die te lautantia.

15 b. Exposce

gloriosa nobis
vitae contubernia,

16. Quo tecum jungamur,
Fides paradoxa.