3. De ss. Trinitate.

1. O beata. veneranda
trinitas

felix, corde devoto
et adoranda
unitas.

2 a. Trinum

in personis Deum,
unum in substantia,

2b. Patrem,

verbum, spiritum sanctum,
gaude, omnis anima.

3 a. Haec enim divinitatis
summa est felicitas,

3 b. In amplexu caritatis
quod tres unit unitas

4 a. Amat pater
amatque natus,
amat spiritus sanctus.

4b. Neque minor
ipse amatus
est ipsis amantibus.

5a. Quid tam dulce, tam jucundum.
quae tanta devotio,
Quam amantis et amati
et amoris unio.

5 b. Omnis gaude creatura,
baec trium dilectio
Te creavit. recreavit
dato Dei filio.

6 a. En ex quanta et ad quantam
caritatem conditi

6 b. In peccatis conversamur.
sed non sumus perditi.

7 a. Nos amore suo unit
haec felix unio.

7 b. Hoc amore satiari
verbi principio.