COLLOQUIUM III. Superflua aedificia non decere fratres minores.

Idem sancti patris vicarius frater Petrus Cataneus domunculam quandum construi fecit ad commodiorem divini officii psalmodiam et fratrum hospitum, in magna multitudine quotidie adventantium, majorem tranquillitatem et quietem. Cui beatus pater veluti aliquantulum succensens ait: "Frater, locus iste forma est et exemplum totius religionis. Mallem ergo, quod incolae hujus aediculae pro Dei amore tribulationes tolerent et incommoda, ut alii, qui huc veniunt reportent bonum exemplum paupertatis, quam quod plura construerent aedilicia, ne hospites ad monasteria sua redeuntes magnas aedificent domos dicentes: In loco b. Mariae de Portiuncula, qui primus totius ordinis est et caput, plura sunt aedificia, quare ad illius exemplum nulla erit praevaricatio paupertatis, si talia etiam et in nostris construamus. "