8. In Nativitate DN.

la. Infans verbum incarnatum,
Intra carnem breviatum,
Cordis chordam oris fatum
Tangit laudis jubilo.

1b. Expers paris en dat prolem,
Stella maris profert solem,
Virginalis lux splendorem
Tegit carnis nubilo.

2 a. Signum rarum, grande mirum,
Virgo gnarum ambit virum,
Cum praeclarum claudit gyrum
Finis et principii.

2b. Virgo parens pandit typum,
Virga arens profert ritum,
Rore carens dum dat situm
Prodeunti germini.

3a Solem gradus denus flectit,
Dam humatus genus nectit
Secum Deus ac compectit
Hymnum et eximium.

3 b. Madet vellus coeli rore,
Aret tellus miro more,
Tumet alvus nova prole,
Gaudet virgo virginum.

4 a. Alimentum clausis seris
Intrat lacum Danielis,
Cum ad fatum Gabrielis
Verbum virgo concipit.

4 b. Rubus ardet sed non cedit,
Fornax fervet sed non ledit,
Virgo paret et non perit
Puritas sed proficit.

5 a. In figura haec praejacta
In Maria clarent acta
Sicque prima surgunt pacta
Quondam rupti foederis.

5 b. Altitudo inclinatur,
Pax captiva nuntiatur,
Fortitudo nam ligatur
Vi puellae teneris.

a. Alma virgo, ergo natum
Tuo jugo fac substratum,
Reo nudo fac placatum
Precis tuae munere.

6 b. Manna divum, quod cibasti,
Fontem vivum, quem Iactasti,
Dulcem rivum, quem gustasti
Larga manu tribue.

7 a. Eja, portus salutaris,
Solis ortus, lux stellaris,
Duc per fluctus saevi maris
Nutantem naviculam.

7 b. Naufragant sis tutamen,
Laboranti sis levamen,
Exeunti sis juvamen
Pergendi ad patriam