8.

1. Ave sanctissima regina,
Gratia divina
Quam trina
Beavit,

Ante nec post ereavit
Majorem te.

Te rex regum, Deus deorum,

Dierum multorum,

Pro morum

Virtute

Sponsam In senectute

Traxit ad se.

Mira res, angelum emiserat,

Tantum placuisti;

Plena es gratia, qui dixerat,

Verbo concepisti,

Virgo permansisti,

Dixisti:

Secundum

Verbum tuum jucundum

Fiat In me.

2. Salve lux patrum prophetarum,
Glosa scripturarum
Multarum,
Serrata

Porta perambulata
Ezechiel.

Sicut rubus non concremata

Moysi fiammata

Servata,

Sic paris,

Mater nescia maris,

Per Gabriel.

Aaron arens virga floruit

Non naturae more,

Gedeon vellus mire maduit

De coelesti rore;

Sic salvo pudore,

Dolore

Semoto,

Viro gignis Ignoto

Emmanuel.

3. Vale Esther, per te Judaeum
Salvat Mardochaeum
Rex regum,
Comprendit

Ferox Aman, suspendit
Pro scelere.

Judith ut caput Holofernis,
Qui praeest Infernis,
Prosternis,
Volentem

Superbe Juda gentem,
Te perdere.

Salomon regis potentissimi

Mater nuncupata,

In Sion sedentis altissimi

Dextris sociata,

Nobis advocata,

Vocata,

Maria,

Virgo clemens et pia,

Nos protege.