197.

1. Jacob sidus canduit,
Aaron virga floruit
Et Jesse radix germinavit.

2. Rorat aether desuper,
Justitiae pluit Imber
Oritur telluris arbiter.

3. Summo coeli culmine
Egressus est pro homine,
Nasciturus matre virgine.

4. Carnis jura superat,

Qui cuncta tenens Imperat,
Sic casum parentis reparat.

5. Ergo nostrum singuli,
Eedempti partu nobili,
Corde flagitemus humili.

6. Jesum Mariae natum,
Ut gravem tollens reatum
Nos In agmen ducat beatum.