178.

1. Puer natus In Bethlehem,
Unde gaudet Jerusalem.

2. Assumpsit carnem filius
Dei patris altissimus.

3. Per Gabrielem nuntium
Concepit virgo filium.

4. Tamquam sponsus de thalamo
Processit matris utero.

5. Ponitur In praesepio,
Qui regnat sine termino.

6. Cognovit bos et asinus,
Quod puer erat dominus.

7. Reges de Saba veniunt
Aurum, thus, myrrham offerunt.

8. Intrantes domum Invicem
Novum salutant principem.

9. Trino uni sempiterno

Benedicamus Domino.