66.

1. Clementia[e] pax bajula
Justitiae dat oscula,
Originis a macula

Christi matre procreata.

2. Laudatur In rubo Deus,
Rex velleris, Deus meus
Panis vivus triticeus

Fit forma Dei servata.

3. Gratias decet agere,
Jacob orto sidere,
Esther de nostro genere
Fit Assuero sociata.

4. Ex patre semper genitus
Per flamen dulcis halitus
Ut flos novus est editus
Christi matre foecundata.

5. Agnus Dei pacificus,
Isaac risus coelicus
Virginis matris unicus
Fit forma Dei servata.

6. Nunc pandis arcum foederis,
Misericors sis miseris,
Tuae matris prae ceteris
Facta plebis advocata.

7. Clavis David, Samson fortis
Pertransisti portas mortis,
Prae dilecte tuae sortis
Nos libera prece grata.

8. Tu cuncta tenes fortiter,
Salve nos Christe pariter,
Qui vivis aetemaliter
In trinitate beata.