65.

1. Christus surrexit,
Mala nostra texit
Et quos hic dilexit,
Hos ad coelos vexit.
Alleluja.

2. Mortem morte stravit,
Sathanam ligavit,
Infernum vastavit,
Patres liberavit.
Alleluja.

3. Hora matutina
Virtute divina
Surgit leo fortis
Fractis orci portis.
Alleluja.

4. Mariae moerenti,
Aromata ferenti,
Angelus detexit,
Quod Christus surrexit.
Alleluja.

5. Cui dum obviavit,
Se ad pedes stravit,
Sed recusat dare
Pedes osculare.
Alleluja.

6. Discipulis defer,
Me vivere refer,
Ut eant Galileam,
Cernant genam meam.
Alleluja.

7. Jesu Christe pie,
Restaurator die,
Nos pusillum gregem
Doce tuam legem.
Alleluja.

8. Morte surgis victa,
Tu nostra delicta
Necans dona vitam,
Et hanc stabilitam.
Alleluja.

9. Laus patri creanti,
Nato restauranti,
Amborum spiranti
Per saecula regnanti.
Alleluja.