29.

1. Imperatrix gloriosa,
Plena laudum titulis,

Potens et Imperiosa,
Canticis angelicis.

Jure commendans,
Mater et regina,
Nato non gravaris,
Tuo nos assigna,
Christi mater, Deo digna.

2. Peccatorum medicina,
Salus es debilium,

Rosa vera sine spina,
Castitatis lilium:

Respice, quod posco,
Mater veri Dei,
Me peccasse nosco.
Miserere mei,
Consolatrix sanctae spei.

3. O dilecta praeelecta,

Fer solamen misero.

Castitate es electa,

Imple, quod desidero.

Revoca errantem

Ad viam veritatis,

Ad te nunc clamantem,

Gemma castitatis,

Templum sanctae trinitatis.