20.

1. En arca, quam tunc foederis
Duxisti per clangorem,

David fert hanc cum ceteris,
Nunc cernimus candorem.

Nam hodie concepta,
Mater et arca Domini,
Nunc cernitur adepta,
Cui sit laus Incepta.

Davidicae hinc gentes,
Gytharizate canticis,
In jubilo clangentes,
Hanc arcam conducentes.

2. Est uterus virgineus
En arca peramoena,

Coetus cujus virgineus
Est urna manna plena.

Manna haec deitatis
Vigore typus emanat,
Manna divinitatis,
En arca trinitatis.

Nos clerici cantemus
In diversis melodiis
Et voce resonemus,
Hanc arcam conducemus.