19.

1. Dorothea beata,
Cappadociae nata,
Messiae desponsata
Sacro flamine.

Ornata virtutibus
Ab annis puberibus
Velut palma floribus,
Alto sanguine.

Eomano patre nata,

Sacro fonte renata

In Caesarea.

2. Omnibus amabilis,
Coaevis praestabilis,
Zabulon odibilis
Propter opera.

Tunc praeses Fabricius
Institit ardentius,
Hanc gliscens praestantius
Saeva vipera.

Honorat muneribus,
Spondet pro sponsalibus
Dona aurea.

3. Equuleus paratur,
In catasta fixatur,
Dum consensus non datur
Surdis Idolis.

Antro taetro clauditur,
Pabulum subtrahitur,
Ab angelis nutritur,
Coeli Incolis.

Visa pulchritudine
Turba abs formidine
Credit In Deum.

4. Idolum prosernitur,
Vox daemonum auditur,
Cur devastas, dicitur,
Nos Dorothea?

Ritibus gentilibus
Omissis martyribus
Fit corona millibus
In Caesarea.

Gravi poena subditur,
Verberibus caeditur
In equleo.

5. O quam dire flagellant,
Virgis, uncis [lacerant],
Papillas taedis cremant
Saevi tortores !

Bacchans praeses nebulo
Hanc claudit ergastulo
Mortis In articulo
Spumans terrores.

E carcere sanior
Fit antequam pulchrior,
Cedit Diana.

6. Ad sorores hanc mittit,
Multa dona promittit
Et has simul amittit
Per Dorotheam.

Tyrannus ambas dorso
Tradit Igni immenso
Ligatas vultu verso
Ad poenam.

Ait, o Dorothea,
Quousque sic athea
Tua venena

7. Nobis offers protbrahens,
Deos meos contemnens,
Mea jussa et spernens
Quasi frivola ?

Idolis sacrifica,
Pessima malefica,
Nobis te parifica,
Thura Immola !

Capite truneaberis,
Si non immolaberis
Diis nostris magnis.

8. Corde laeto respondit:
Deum colo, qui condit
Mundum, mihi spopondit
Rosas cum pomis.

Loca deliciarum,
In quo sponsum praeclarum
Amplectar, valde carum
Cum coeli donis.

Audiens haec tyrannus,
Ira fervet ut rhamnus
Tortor Immanis.

9, Jubet ut pulcher vultus
Plagis sit Ita cultus,
Quod tortoris Insultus
Fatigaretur.

Servata In crastinum
Habet vultum pristinum,
Movet Ira tyrannum,
Ut necaretur.

Videns scriba puellam
Alloquitur sic Illam
Quasi Illudens:

10. Sponsi tui de horto
Rosas cum pomis opto,
Mihi mitte de facto,
Ut tibi credam.

Cui Illa promisit,
Laeta ad mortem ivit,
Et pro cunctis petivit,
Vox dixit: Reddam.

Impetrasti omnia,
Quae petisti munia,
Veni jam gaudens.

11. Prece dulci completa
Ad Ictum Inclinata,
Spiculatoris spata
Cum extenditur,

Ecce puer purpura
Stellis auro varia
Rosarum cum sportula
Sibi mittitur.

Voce miti hunc rogat,
Ut eas scribae ferat,
Fide, spe plena.

12. Obsecro, mi Domine,
Da mi Christi numine
Theophilo nomine
Haec munuscula.

Tunc perrexit ad Christum
Decollata per Ictum,
Credit scriba In Istum,
Qui fecit saecla.

Amoena Dorothea,
Duc nos ad empyrea
Prata serena.