14.

1. Benignam,
Dignam
Laudibus
Decet exaltare,
Quae fructum vitae omnibus
Novit generare.

Impleta

Laeta

Munere,

Merito exultavit,

Dum angelus dulcissime

Piam salutavit.

Pietatis, pacis fons,
Virgo tu es navis, pons,

Donum fer salutis.
O suavis navis, pons,
Virgo tu es nobis pons,

Portum da salutis.

2. Exulta
Multa
Gratia

Tu virgo singularis,
Nam regis regum fulgida
Mater appellaris.

Te clamant,

Amant

Jugiter

Agmina sanctorum,

Collaudantes praedulciter

Reginam polorum.

Clare, care rutilas.
Virgo cunctis Imperas

Veram In salutem,
Obfuscare ne sinas,
Virgo, tu ne sinas

Servis tuis lucem.

3. Caterva
Serva
Hominum
In te jocondamur,
Dum per dilectum unicum
Natum liberamur.

Aurora,

Ora

Filium

Pulcherrima cunctorum,

Ut notis det praemium

Sortis beatorum.

Infinitae vitae flos,
Virgo, tu es vitae flos.

Gemma charitatis,
Insignire rite nos,
[O] virgo tu rite nos

Coniunge beatis.