40.

1. O filii ecclesiae,

Deplangite mecum hodie
Scissae petrae, apertae
Monumentorum sunt januae,
Prae amaritudine
Passionis dilecti filii
Deplangite Mariae.

Homo, tristis esto,

Deplorans corde moesto

Grandes afflictiones

Et magnas passiones,

Quas Deus

Nunquam reus

Sustinuit patienter

Atque gratanter

Ab Iniquis

In hac nocte heu Judaeis.

2. O dolor Ineffabilis,

Cum salus humani generis
Fit pretium sanguinis,
Qui fuerat spes hominis,
Condoluit pro nobis,
Offerens semetipsum pro re-
probis
Factus est patiens ut ovis.

Ecce qui redemit

Hominem et exemit,

Hic modo captivatur

Et fune vinculatus

Ligatur

Heu quasi fur,

Tandem est nimium laesus

Et virgis caesus

A propriis

Sine culpa creaturis.

3. O quantus luctus virginis
Et fletus In discipulis
Cum Dominus praesidis
Praeceptis parat judicis.
O pater magnanime,
Dilectione tuae charitatis
Natum tradis, servum redimis.

En factorem mundi

Peccatores Immundi

Heu flegma projecerunt,

Et omnes conspuerunt

In vultum

Ejus multum,

Ad collum percutientes

Atque dicentes:

Hic est reus,

Nam vult esse noster Deus.

4. O homo per te agitur

Quod Christus ad mortem du-
citur,
Oboediens patitur,
Cui laus et gloria datur,
Conspuitur, caeditur.
Spinis et hasta configitur,
Ligatus sic mori cernitur.

Fortis et invictus

Deus est nunc devictus,

Ad mortem judicatus

Est et sententiatus,

Qui lavit

Et curavit

Sacri sui cordis rore

Atque cruore

Hunc languidum

Ab Ictu doloris mundum.

5. O Juda, doctor sceleris
Et compos falsi foederis,
Tu turpiter egeris
Nec veniam perceperis !
Vae tibi, vae miseris,
Qui egerunt torquentur In Inferis
Regnante filio virginis.

Jam est et transfixus,

Per quem mundus stat fixus,

Pariter sui cordis

Hoc purgat labem sordis ;

Pro eo

Ipsi Deo

Compati digne debemus

Quantum valemus,

Plagas duras

Recolendoque fixuras.

6. O vos Judaei perfidi,
Qui necastis filium Dei,
Qui de terra Aegypti
Vos vocavit tamquam sibi,
Pavit pane coel esti,
Nec pepercistis ei,
Dum pateretur nexus cruci.

Heu Innocens perit

Et reus justus erit,

Rectus mortificatur

Et iniquns salvatur,

Mors probo,

Sors reprobo

Cedunt inaequali mensura

Heu contra jura;

Ergo flendum

In hac nocte et dolendum.

7. O fratres Judae, lugite,
Qui Christum necastis hodie,
Peccatorum pondere
Corda vestra confringite,
Ut Dominus gloriae
Veniam det vobis percipere
Et secum coelis vivere.

O gens christiana,
Estote mente sana,
Christi mortem colentes,
Pro nobis actam rentes
Ac rete
Nefas delete

Conterrentes vos, solventes
Hymnos, dicentes
Gloria Deo,
Qui misertus exstat reo.

Prolem patris almam,

Qui nunc per mortis palmam

Tristem mortem necavit

Et hostem superavit,

Laudemus,

Adoremus

Quod Ita nos moriendo

Et patiendo

Liberavit

Et a morte suscitavit.