67.

1. Consolator, gubernator,
Pater Deus restaurator,

Viva luce claruit,
Immolatur, veneratur,
Laude prece honoratur,
Fide tota roboratur.

2. Corpus Christi hic sacratur
Natus Patri Immolatur,

Pro salute fidelium,
Sanguis ejus hic cernitur,
Qui pro multis effunditur,

Sordes lavans peccaminum.

3. Accedite omnes mundi,
Caritate sitibundi,

Vinclo pacis uniti.
Cave, Juda, ne damneris,
Sume, Petre, ut salveris

Cibum verum fidelium.

4. Bonis justis est praemium,
Cunctis malis supplicium,

Hoc se Ipsum probet homo.
Digni quoque non maligni,
Poenitentes non despecti

Cultores veridici.

5. Hic Maria veneratur,
Ore voce deprecatur,

Virgo mater nobilissima,
Natus matre exoratur,
Et per eam tunc placatur

Ultra modum petentium.

6. Ergo bone Jesu Christe,
Ut te laudet coetus Iste,

Audi voces clamantium;
Sit gloria trinitati,
Indivisae unitati

Laus perennisque victoria.