41.

1. O Maria, mater pia,
O benigna, laude digna,
Plena dei lumine,
Fulgens divino numine.
Me dignare, te laudare,
Sanctissima,

Verbis dignis, sanctis hymnis,
Castissima,

Et psalmorum tibi dulcorum
Carmina da promere,
Ne nos illorum reproborum
Sarcinemur onere,
Sed nobis coeli gloria
Per te sit allata
Tua prece, Maria,
Sanctis associata
In semper.

2. O praeclara, Deo cara,
O serena, Deo plena,
Nos in tuo lumine
Docens coelestis gratiae,
Ne nos tangat neque frangat
Inferni trux

Hostis ictus et conflictus
* * * dux

Tu beatorum gabernatrix,

Nutrix orphanorum

Et coelorum illuminatrix,

Rectrix angelorum

Et sempiternum gaudium

Sanare [?] impetratis

Da nobis tuum filium

Videre cum beatis

In semper.

3. O Maria, lux divina,

O formosa plus quam rosa,

Pro nobis quaeso rogita

Sensusque nostros visita.

Ora Deum vivum verum

In gloria,

Consolando, visitando,

Ne scoria

Peccati lati fati dati

Nos demergat lividi,

Sed nato grato, lato, dato

Nobis simus additi.

Trinitatis speculum,

Castitatis via,

Pro nobis, spes humilium,

Exora natum, pia,

In semper.