10.

1. Ave spes et salus
Infirmorum,
Desperatorum
Renovatrix.

Salve fax coelestis
Luminosa,
Tu copiosa
Consolatrix.

Laude plus laudabilis
Coeli terraeque giro
Dominaris,
Virgo venerabilis,
Mater, quae sine viro
Nuncupans.
Summi regis nostri plasmatoris
Sedes amoris
Trinitatis.

2. Aberrati sumus
In hac vita,
Virgo Maria,
Male stamus.

In peccatis multum
Constituti,
Per te soluti
Ut fiamus.

Da tuo juvamine
Delectamenta carnis
Superare,
Ut sine gravamine
In die novissima
Queamus stare
Coram justo judice congaudendo-
Et non flendo
Cum damnatis.

3. Hoc perpendat homo,
Mundi levis
Haec vita brevis,
Cito cedit.

Mors perennis post hanc
Minitatur,
Non terminatur,
Malos laedit.

Curta delectatio
Peccantibus suavis
Reputata,

Longa castigatio

Pro hac est In Inferno
Praeparata,
A qua nos digneris custodire,
Fac nos Ire
Cum beatis.