83.

1. Gaudeamus pariter

Omnes et singuli,
De virgine nascitur
Salvator saeculi.

2. O proles eximia

De stirpe regia.
Alvo Christum tulisti,
O virgo Maria.

3. O stupenda natio,

Quam nulla ratio
Potuit definire
Nec enodatio.

4. Physicus concutitur
Horrore nimio,
Dum fallit In Mariae
Natura filio.

5. Logicus syllogizando
Hic obstupescit,
Dum praemissas formando
Concludere nescit.

6. Intellectus discurrendo
Hic confunditur,
Dum causa rei quaeritur
Hic et non solvitur.

7. Miratur et ratio,
Qualis sit natio,
Et a cunctis varia
Fit Indagatio.

8. O natura, qualiter
Errasti hodie,
De virgine nascitur
Filius Mariae.

9. Omnia qui potuit
Ex nihilo creare,
Naturam In filio
Voluit claudicare.

10. Misit enim filium
In hoc exilium,
Per quem et restauravit
Salutem hominum.

11. Ergo cuncti hodie,
Omnes et singuli
Laudes demus filio
Et matri virgini.