168.

1. Nos respectu gratiae
Gentium primitiae,

Spem ad locum veniae
Nobis damus hodie.

2. Cujus stellam vidimus,
Deum esse credimus.

Quem Deum cognovimus,
Adorare venimus.

3. Dona damus talia,
Per quae regi gloria,

Pater In potentia
Qui gubernat omnia.

4. Ergo nostra concio,
Omni plena gaudio,

Psallat cum tripudio,
Benedicat Domino.

B, Audi, audi, audi, nos,
Clemens et misericors.

Audi, audi, audi, nos,
Rex aeterne, salva nos.