COLLOQUIUM XV. Quales deceat esse, qui litteris et studio incumbunt.

Audientes quidam ex sociis Lutetiae Parisiorum doctores quamplures aliosque multos in Germaniae, Italiae et Galliarum plagis minorum habitum sumpsisse interrogaverunt beatum patrem, an sibi placeret, quod fratres sacrae Scripturae studio intenderent. Quibus ait: "Mihi quidem placet, dum tamen Christi exemplo, qui magis orasse legitur, quam legisse, orationis studium non omittant. Nec tantum studeant, ut sciant, qualiter debeant loqui, sed ut audita faciant et, cum fecerint, aliis facienda proponant. Volo enim fratres meos discipulos evangelicos esse sicque in notitia veritatis proficere, quod in simplicitatis puritate concrescant, ut simplicitatem columbinam a prudentia serpentina non separent, quas magister eximius ore benedicto conjunxit. " Bon. c. XI. n. 1.