UTINEN. 17

decreti an. 1597, auctore quodam Sac. Prof. Aloysio Fabris, Praefecto Archivii archiepiscopalis utinensis, sed maxime adurget aliud decretum anni 1606 eiusdem Barbari correcti- vum prioris, quo, « inhibuit dicto capitulo quemcumque etiam levissimum actum iurisdictionis spiritualis, nisi ostendat pri- vilegia, et immemorabilem consuetudinem ».

Deveniens vero Defensor ad quaestionem de decimis seu quartesiis, dicit quod nihil melius facere potest, quam quod argumentum istud a sententia ipsius Patroni Capituli in- choare. Unde cum ipse in eius novissimo Restrictu, dicat : « retenta nostra thesi, quod nulla unquam interfuit dismem- bratio veteris et unicae paroeciae, consequens est, ut ius percipiendi quartesium semper remanserit penes Capitulum, unicum parochum totius civitatis » ; retenta e contra thesi quod revera adfuit vera dismembratio, ex canonica erectione septem novarum Paroeciarum ad tramitem S. Conc. Trid., consequitur, ut ius percipiendi quartesium transierit in unum- quemque Parochum, in proprio territorio. Quapropter, per- git patronus, cum animarum cura totius civitatis in octo partes, seu Parochias divisa fuit, pleno iure, ex primaeva institutione, ius percipiendi Quartesium in singulos Paro- chos transivit. Hoc ex iustitia, ex iure naturali et communi, ex decreto Conc. Trid. Cap. IV, sess. X X I : nam: « dignus est operarius mercede sua » - et « qui sentit onus, sentire debet commodum ».

Ultimo loco advertit Orator quod, in novo Summario Capituli, refertur schedula expensarum annualium Capituli, quas expensas ad summam libellarum 25,164,91 ascendere asseritur. Sed contra, ex testimonio Fisci, diei 13 Februarii elapsi anni, habetur quod: « Dalla denunzia 12 Dicembre 1871 « risultano i seguenti pesi annui, che stanno a carico delle « rendite di Manomorta del Capitolo Metropolitano di Udine, « Totale lire 8,072,24 ». Nec ullo modo retinendum est ad- notat, Capitulum minorem summam expensarum denunciasse Fisco; etenim ad hoc tendit denuntiatio onerum, ut servata proportione, exoneretur quis a solutione tributorum. Unde

Acta, Tom. XXVII. fase. G C C XIII. 2