15.

1. Collaudemus
Matrem Domini,
Laudes demus
Sacrae virgini,
Quae peperit filium,
Regem humilium.

Haec praeconcepta
Dudum fuerat,
Antequam mundum
Deus fecerat,
Mente divina
Coeli regina.

Eegem es enixa
Virgo manens fixa,
Thronus Salomonis,
Vellus Gedeonis,
Tu Dei triclinium,
Candens lilium,
Casta, asta
Ante filium.

Tu aurea urna,
Merces divina,
Virga Aaronica
Spesque unica,
Vitam vivifica
Suffragiis,
Aurora ora
Pro naufragiis.

2. Sole amicta.
In te depicta
Sunt duodena
Clara sidera,
Veniae vena,
O vitis vera.

Mitis puerpera,
Per te vipera
Est contrita,
Salus reddita.
Mons, pons, fons,
Flos, ros, coeli dos.

Stelliferis castris
Cunctis et astris
Tu dominaris,
Virgo singularis,
Nam laetaris
In coelestibus;
Socia nos superis
Tuis civibus.

Felix regis porta
Nunquam aperta,
In te reperta
Sunt bona cuncta,
Suntque defuncta
In te crimina ;
Nostri interventrix sis,
Clemens domina.

3. Portus In undis,
Potus sitibundis,
Scutum tutum
Contra jacula,
Rivus vivus
Dans vitae pocula.

Virga arida
Nucigerula,
Viola florida
Salutifera,
Soli, poli
Hera vera.

Ora tuum natum,
Fac notos placatum,

Quem carne tegis,
Tu filia regis,
Subveni miseris,
Extrema hora
Pro nobis ora,
Dulcis aurora.

Tu sacratum manna,
Coeli roris canna,
Rubus inustus,
Ceteris venustus,
Hostis gladius,
In Infernum
Tu regnare fac
Nos In aeternum.